No kas bilang siak tay pumusay
dawatek man nga umaykayto umandingay
kadagiti pamilyak nga agal-alupaypay
Ta agsubadanto no dakay agminatay.
Ammok narigat ti agbiag nga agmaymaysa
ta ditoy lubong ket awan hustisiya
Para kadagiti tao nga awan mabalinna
Nga dagitoy baknang ket naulpitda.
No bilang adda la mabalin ko
A mangpatalna lubong nga ayan ko
Ngem anyan aya ta ordinaryonak lang a tao
Tao nga awan mabalbalin pianagbiagko.
Ngem iti laksid dagitoy a pasamak
Ammok ti lubong to ket agragsak
Ta umadanen ti yaay ti Mesaias
Nga mangdadael lubong ni Satanas.
Makitkitakon iti lubong inton Hesus addan
Amin nga tattao ket agragragsakdan
ket pagyamanak kad no innak met mairaman
Ti ragsak ken talna a jak pay naraman.
